Murojaatda qayd etilishicha, 2026-yil 6-oktabr kuni mazkur Telegram kanalida yovvoyi hayvonlarni sotishga oid e’lon e’lon qilingan. Unda Behzod Latipov tomonidan joylashtirilgan materialga e’tibor qaratilgan.
Yovvoyi hayvonlarning noqonuniy savdosi va bunday faoliyatning internet orqali targ‘ib qilinishi yuzasidan avval ham bir necha bor murojaatlar yo‘llangan va materiallar e’lon qilingan. Biroq shunga o‘xshash holatlar hanuz kuzatilayotgani ta’kidlanmoqda.
Murojaat mualliflari Ekologiya va iqlim o‘zgarishi milliy qo‘mitasidan e’londa ko‘rsatilgan hayvonlarning kelib chiqishi, ularni sotish qonuniyligi hamda mazkur holatga huquqiy baho berish yuzasidan tekshiruv o‘tkazishni so‘ragan.
Shuningdek, qonunbuzarlik holati aniqlangan taqdirda, amaldagi qonunchilikka muvofiq choralar ko‘rish va internet tarmoqlarida yovvoyi hayvonlarning noqonuniy oldi-sotdisi bilan bog‘liq holatlarning oldini olish bo‘yicha tegishli ishlarni amalga oshirish so‘ralgan.
Yovvoyi hayvonlar savdosiga oid e’lonlar ularning kelib chiqishi, saqlanish sharoiti va savdoning qonuniyligi yuzasidan savollarni yuzaga keltiradi. Bunday holatlarni aniqlash va ularga huquqiy baho berish vakolatli tashkilotlarning tekshiruvi orqali amalga oshirilishi lozim.
Hozircha mazkur murojaat yuzasidan tekshiruv natijalari va vakolatli tashkilotning rasmiy munosabati haqida ma’lumot mavjud emas.